政壇：立會足球隊贏波靠外援

小西灣草地足球場尋日上演一場立法會對司法界代表嘅大戰，立法會足球隊最終以五比二大勝大律師公會，奪得獎盃，延續十六場不敗紀錄。立法會足球隊贏波功在外援，前足球先生丘建威同李健和等一共入咗三球，而梁志祥同郭偉強就各入一球，總算有個交代。

有份落場嘅山度士大讚議員表現唔錯，仲話「業餘算係咁o架喇」。隊長陳克勤就話同山度士傾過，打算邀請對方閒時開啲雞精足球訓練班，等議員下次可以踢得好啲喎。