政壇：林鄭着錯衫 熱食盆菜

香港青年協會尋日喺天水圍擺咗一百圍盆菜宴益街坊，政務司司長林鄭月娥同教育局局長吳克儉應邀做嘉賓，尋日陽光普照，氣溫高達二十七度，但林鄭着咗成套黑色唐裝加樽領衫，搞到流晒汗，佢話估唔到農曆十二月會係咁嘅天氣，仲要食盆菜熱上加熱，難怪佢話自己着錯衫。而除低西裝就大食嘅吳克儉就方便得多，佢喺十分鐘內已經食咗盆菜入面十七款食物，真係擦得！