政壇：政商定格：港交所設高科技War room

港交所嘅將軍澳數據中心尋日正式開幕，仲首次畀外界入去參觀，最有印象反而係數據中心整咗間War room。但呢間房絕對唔係用嚟打仗，而係緊急應變中心。

War room表面睇只係間普通會議室，但職員一按掣，掌握住港交所大腦嘅控制室就即刻出現喺眼前，仲有個超大屏幕，報告住全個交易所最新嘅資訊情況，場面有啲似美國太空總署嘅控制室，又同電影裏面當美國遇上國家災難時，總統控制住全國情況有啲似。雖然War room設計非常高科技，但相信行政總裁李小加一啲都唔想用，因War room係當交易系統「當機」、或者畀「黑客」入侵時等情況至會啟用。