政壇：政商定格：蔡冠深大仔傳入省政協

剛卸任中華總商會會長嘅政協委員蔡冠深，早前一度傳佢好大機會進身政協常委之列，但近日又傳冇佢份，所以傳來傳去都唔知邊個至真，所以最後結果係點可能真係要有關單位正式公布才準。

但正喺傳出蔡冠深冇緣做政協常委嘅同時，政界就流傳話香港出咗一位差少少係90後嘅遼寧省政協委員，成為香港最年輕嘅省市級委員，就係蔡冠深嘅大仔Johnson蔡雋思。話說Johnson喺加拿大畢業返港後，舊年就被特派到家族位於瀋陽嘅分公司，負責聯絡唔同部門嘅工作，為接掌家族生意做好準備。雖然Johnson係80後青年人，但執掌家族分公司嘅業務，被委派為省政協委員都唔係冇原因嘅。