政壇：楊華勇親為囡囡剪臍帶

菁英會主席Johnny楊華勇榮升「龍爸」，佢太太Fiona莊菲娜喺大前晚開刀誕下六磅重B女國盈。佢自爆親眼見證囡囡出世，仲親手剪臍帶添，難忘一刻既緊張又興奮。

Johnny將一家三口嘅溫馨合照畀記者先睹為快，相中嘅國盈眉清目秀，頭髮濃密，鼻同嘴仔都似足爸爸，但Johnny就笑言，覺得B女似媽媽多啲，都係天生一副美人胚子喎。佢透露，B女個名係由爸爸楊孫西喺上北京開政協會議之前改嘅，絞盡腦汁左度右度，最終決定取名國盈，諗好之後仲特意留低咗張字條通知佢。

「國盈」究竟有乜嘢意思呢？Johnny解釋，「國」字係跟族譜，而「盈」既有儀態優美、盈水清澈之意，亦代表做生意嘅帳目常有盈餘喎！