劉夢熊高呼：置生死於度外！

【本報訊】被中央「搣柴」未能連任全國政協委員的劉夢熊，昨日再於中環一帶出沒，期間曾經到一間律師行逗留近一小時，但拒絕回應是否為身陷多宗貪腐案件尋求援助。他與不知名友人講電話的時候，更加高呼：「我本身游水落嚟，置生死於度外！」

「游水落嚟，福禍算咩？」

劉夢熊昨早約九時返抵位於皇后大道中的東方明珠石油辦公室，至下午近一時才獨自離開，期間邊行邊大聲講電話，表現激動地說：「造謠生事，好惡毒，都冇任何證據，我批評『港獨』寫得最多，係乘機陷害，我真金不怕洪爐火。」「我喺論壇同專欄都對『港獨』毫不留情批評，態度鮮明，港澳辦都清楚呢樣嘢，打過電話畀我，話我做得非常之好。」「我本身游水落嚟，置生死於度外，福禍算咩？兄弟，放心啦你！」記者等到劉夢熊終於將電話掛掉後，問他與誰對話，他拒絕透露，問及未能連任政協有否失望，他則故作輕鬆地說「冇失望」。

劉夢熊其後到置地廣場告羅士打大廈內一間律師行，逗留近一小時才離開。記者連番追問他：「告CY（特首梁振英）定叫律師辯護？律師有冇話成數高唔高？係唔係話成數低？驚唔驚入罪？擔唔擔心官司？」劉不耐煩地說：「依家未有機構起訴我，啱唔啱？未有被檢控，講咩成數？都未進入法律程序，我哋見朋友好多嘢傾。」劉返回東方明珠辦公室前向記者重申，自己無被檢控，與律師見面是討論「第二啲嘢」。