建制泛民齊轟死要面

【本報訊】「貪曾」前特首曾蔭權爵士被中央唾棄，拒絕委任他做全國政協副主席，但貪曾卻反稱是自己婉拒中央邀請。多名建制派及泛民主派立法會議員都不相信其說法，直指中央對他已信任全失，貪曾發聲明僅為自己遮醜，盡顯他「死要面」的本性：「跌咗落地，都要　番拃沙，絕對係貪曾本色。」

暗寸中央不夠謹慎

全國政協常委陳永棋公開證實貪曾做不成全國政協後，之前三緘其口的本港建制派，昨日紛紛盡訴心中情。工聯會黃國健直斥貪曾自稱婉拒委任，實情全為「遮醜」：「佢覺得自己未必做副主席，但可能只做政協委員，咁不如唔好做。」新民黨主席葉劉淑儀強調，出任政協要才德兼備，估計貪曾自知因被廉署追查不符合有關條件，才出此下策為自己開脫：「好高興佢咁坦誠，因為好少有人自爆被調查。」

身兼全國政協委員的廠商會議員林大輝表示，中央想法向來謹慎，若中央考慮後仍邀請貪曾出任政協，貪曾又膽敢婉拒，「即係話自己嘅考慮比中央更謹慎」，有暗寸中央之嫌。同屬全國政協的自由黨榮譽主席田北俊，建議貪曾出任「商務大使」，但同時指：「佢想服務國家，但國家未必想佢服務。」

泛民方面，工黨主席李卓人得悉貪曾的回應後隨即偷笑，形容貪曾做法「阿Q」，一貫愛面子本色：「人哋都唔挽留佢，自己就阿Q婉拒。佢跌咗落地，都要　番拃沙。」他認為即使廉署最後無檢控貪曾，貪曾亦不值得被委任公職。

公民黨議員陳家洛形容貪曾「恨做政協副主席恨到流晒口水」，昨日以書面聲明反駁，更會產生反效果：「呢啲咪丟人現眼囉！」