港媽行勻全港撲唔到奶粉

【本報訊】奶粉難求！有本地媽媽行勻港九新界最少六區仍未能買到奶粉，更曾見有藥房「獅子開大口」，將奶粉標價每罐近四百元，價格較平常高出一倍；曾致電奶粉商熱線留言，但三日仍未獲回覆。有家長在網上自組買奶粉聯盟，互通各區奶粉供應量或售價情報「自救」。記者昨發現部分藥房雖有奶粉存貨，但當被問價時，店員竟稱「真係買我先講價錢」，懷疑欲劏客。

致電奶粉商熱線無回覆

多名家長昨致電電台節目，向食物及衞生局局長高永文反映「撲奶粉」的慘況；家長楊太指出，她曾駕車到長沙灣、觀塘、將軍澳、西貢、東涌以至港島區多間藥房，但都買不到奶粉，最終要委託在藥房工作的友人幫忙，才成功「預訂」一至兩罐奶粉。楊太曾致電奶粉商熱線留言反映問題，但至今仍未有回覆。

另一位家長曾到尖沙咀一間藥房購買奶粉，豈料每罐售價飆升至三百九十八元，較正常高出一倍：「貴到離晒譜！叫人點買！」有本地媽媽多次目睹水貨客一口氣推走十幾罐奶粉：「問店員點解畀佢買咁多，佢哋唔答你囉！」

無藥房牌集體訂購碰壁

本報記者昨巡視旺角區藥房，現場所見多間藥房雖有現貨，但當記者上前問及價錢時，店員卻不肯直接透露，疑想收海鮮價：「你真係買我先講價錢啦！」本地媽媽陳太坦言因曾多次撲空，已不寄望可從藥房購得奶粉，現主要靠在嬰兒產品公司工作的友人「搭路」買奶粉。

家長為自救都走到網上論壇「親子王國」的奶粉專區交流情報，論壇創辦人薜嘉龍透露，家中一歲大的小孩亦有缺奶粉煩惱，目前僅剩餘三分之一罐奶粉。他曾組織其他家長集體訂購奶粉，但因沒有藥房牌照而被奶粉商拒絕供貨。