政壇：政商定格：鯊魚女買靚砧板煮佳餚

保良局副主席、「鯊魚女」陳細潔識飲又識食，早前喺一間超級市場見到佢一個箭步走到蔬果櫃前，買車厘茄、日本番薯，又轉身走到凍櫃前，細心揀選肥美嘅羊肉粒。

當佢推住一車美食打算去收銀處畀錢時，突然被一塊價值六百元嘅砧板吸引住，拎上手研究一番，店員即時熱心向佢介紹產品，最後佢決定帶埋砧板返屋企。記者上前同佢打招呼，問塊砧板有乜特別呢？原來塊砧板有防霉功能同永久保養喎！

佢話平時工作好忙，所以一有時間就會約埋好友喺屋企開party輕鬆吓。佢仲話其中一道拿手小菜係咖喱羊肉，見到一班朋友食得開心，佢都會跟住開心。