政壇：政商定格：港交所集思會玩呼拉圈

好多大型企業每年都會搞員工「集思會」，話就話係「腦震盪」，但同時都會設計唔少難度極高嘅集體遊戲，訓練員工嘅團隊精神同領導才能。聽聞年前嘅港交所集思會就曾試過要員工打wargame，真係幾難想像佢哋平時個個斯斯文文，揸起支槍嚟打wargame個樣！

好彩港交所啱啱搞嘅集思會就冇咁辛苦。話說今次集思會首次去咗將軍澳新數據中心度舉行，大家都知，嗰度守衞有幾森嚴，又點可以隨處畀人「打野戰」呢！因此集思會其中一個集體遊戲，只係叫員工分組圍埋一齊，但唔可以用手嚟傳個「呼拉圈」；同埋打吓乒乓波咁。

當日港交所好多高級管理層，好似行政總裁李小加等都有嚟，以佢平日咁鍾意踢足球，就算打wargame應該難唔到佢！當日倫敦金屬交易所（LME）管理層都有嚟參加。