盜學生私隱掠水

【突發組報道】私隱專員公署早前踢爆十一間學校網站涉及外洩學生私隱，引起社會關注。最近馬鞍山亦發生類似事件，一名自稱是「政府青年中心」的社工，在屋邨登門家訪，向家長聲稱其子女被政府抽中，可以超筍價享用打電話問功課，職員為博取家長信任，清楚說出學生姓名及就讀學校等資料，且勢兇夾狼，企圖騙家長一次過繳交整個學年三千六百元費用。家長質疑該中心是從非法途徑或網上盜取學生資料，並向家長硬銷打電話問功課，有行騙嫌疑。

居住在馬鞍山欣安邨的林女士，女兒在恒安邨的馬鞍山信義學校讀小學三年級。林女士稱，上周五晚上九時，一名男子自稱是「政府青年中心」社工登門，講出其女兒姓名及就讀學校，指其女兒被政府抽中，可以每月三百六十元享用打電話問功課服務。林女士指女兒英文差：「得六十分，我哋兩公婆又要返工，一心想搵人幫個女補習，所以心郁郁！」

要求即登記繳$3600

她與丈夫見對方能說出女兒的個人資料，襟前亦掛上一張證件，誤以為是政府或學校派來，於是開門讓他入屋詳談，詎料對方要林女士即時登記，並繳交三千六百元費用，聲稱是整個學年費用，林女士嫌貴：「咁貴！喺學校補都唔使咁多錢！」

她查問補習形式，對方表示每日下午三時至五時，打指定電話會有專人解答功課疑難，林女士認為女兒仍讀小學，電話上問功課難以表達，加上懷疑對方詐騙，於是拒絕，對方登時變臉，「你點做媽咪O架，為咗個女幾百蚊都唔畀，佢成績唔好點算！咁啦，先畀五百嘞，其餘啲再到銀行入數。」林女士要求他留下聯絡電話，便着他離去。

多街坊中招 警拒受理

事後林女士向街坊講述有關事件，發現不少居民亦有同樣經歷，更有家長中招付款。「最恐怖係佢知道我個女個名同喺邊度讀，好似好清楚我哋啲資料！」其中一名中招女街坊梁女士表示，孫女在區內讀小學三年級，去年六月，一名外表斯文的男子上門，亦自稱是「政府青年中心」職員，同樣講出孫兒姓名及所讀學校，指其孫女成績唔理想，只要她付三千元，可替其孫女補習一年，梁女士說：「冇咁多錢！」對方即要求梁先付三百元，梁付錢後，對方寫了一張收據給她，又指：「上面有電話，打電話去問功課。」梁才知道並非補習，但對方收了錢便離去，但留下的電話並無人接聽，知道被騙，但她怕事不敢報警。

林女士昨致電馬鞍山警署講述有關事件，不過，警員以她沒有損失，拒絕受理其個案。她又稱，許多中招街坊不敢報警，「驚事後畀佢哋滋擾」。