SUN搞作：黐筋網相：Born This Way

潮流呢樣嘢，從來都係一件好難捉摸嘅事情。不過，小編有一種感覺，唔知大家係咪都想引人注目，所以喺近年大家都興誇張，仲要有咁誇張得咁誇張，尤其是喺衣着方面，外國嘅佼佼者自然係女歌手Lady GaGa，一件牛肉衫，足以令見過嘅人永世難忘。

話雖如此，大家都唔好睇小亞洲人，就好似相中嘅人物咁，一襲大露背裝，襯埋短裙、高踭鞋，仲要出現喺人來人往嘅快餐店入面，好自然就會成為全場焦點，引人注目喇！如果唔望佢頸以上嘅位置，真係頂呱呱。但睇真啲，就有少少格格不入喇，難怪收銀員都忍唔住笑咗出嚟！

不過，審美呢樣嘢真係可以好主觀，有人天生就係鍾意咁樣，只要佢唔騷擾或者搞到自己，我哋又何必要自命高人一等去歧視人、嘲笑人呢？一句講晒喇，喺文明社會，大家都係要互相尊重嘅！