政壇：政商定格：李秉熙做龍爸少陪B女

AXA安盛首席醫療及僱員福利業務總監Benjamin李秉熙做咗「龍爸」，依家B女差唔多三個月大。早排撞見Benjamin，佢好搞笑咁話自己無jel頭，依家個髮型同B女一模一樣！咦！B女係女仔嚟，點會似老竇個髮型，佢即刻攞張相出嚟對照，嘩，頭髮一樣豎起晒，差啲以為係Benjamin嘅童年照呀！

B女另一個特徵係戴眼鏡，呢個係畀Benjamin個老婆整蠱，佢用photoshop加咗副眼鏡畀B女，同老竇副眼鏡都好似，於是兩父女睇落真係有九成似，B女對眼仲電力十足，精靈到不得了。

Benjamin話呢幾個月特別忙，好少時間陪B女，連想話幫B女買份醫療保險都冇時間喎！