SUN驚奇：海事處逼船艇噴廢氣

海事處拒絕與時並進，變污染空氣兇手！新出爐的施政報告，表明政府會推動船隻轉用更潔淨燃料，減少污染物排放，惟海事處官僚，不肯讓較為環保、已在外國廣泛使用的電動舷外機(俗稱電動船尾機)發牌。近日，有船主向海事處提出申請，希望在船上安裝電動船尾機，反被要求安裝排放量較高的汽油船尾機。記者佯裝船主查詢，所獲回覆竟是「呢啲機全部都未喺本港測試過，唔知符唔符合安全標準，所以唔可以喺香港使用」，即使願意提供電動舷外機做測試，處方也拒絕。

船主吳先生早前購入一艘小艇作私人駁艇之用，為響應環保，以二千多元購入一個內地製造的電動船尾機，準備安裝於小艇，「點知去海事處申請嘅時候，職員同我講，電動嘅唔可以申請，叫我買個用汽油嘅先再嚟申請。」

吳對此大感無奈，惟有多花四千元，另買一個汽油船尾機，「依家電油咁貴，就咁駁出去大船度，都已經用咗成百蚊油錢。政府唔係提倡環保咩？有乜理由唔畀人用電動船尾機，逼人用汽油船尾機！」在註冊船隻申請表格上，有關引擎類型的選項，只有「柴油」及「汽油」兩個選擇。

官僚拒測試是否符標準

記者佯裝船主致電海事處查詢，接聽的職員表示，各款電動船尾機都不可在港使用，「呢啲機全部都未喺本港測試過，唔知符唔符合安全標準，所以唔可以喺香港使用。」即使記者表示願意先把船尾機交予海事處檢查，檢測合格後才使用，仍遭該名職員拒絕。事實上，本港船隻的引擎，一直以柴油或汽油推動，對環境造成嚴重污染。外國及內地不少大型生產商，近年都推出不同匹數、型號的電動船尾機，大部分已通過歐盟安全標準，包括歐洲、美國等地，已容許船隻使用。

香港專業教育學院（青衣）工程系系主任邵志勇指出，電力絕對能夠安全推動船隻，他說：「電動車都可以安全行走，只要通過安全測試，船都唔會有問題，而且以電作驅動能源，污染比汽油及柴油少好多。」

「市民自己提出用更環保嘅能源，絕對係好事，政府應該支持，唔可以妨礙市民轉用。」立法會議員王國興直斥海事處官僚，拒絕與時並進，要求處方盡快改善，主動為申請者的船尾機測試，確保安全後便發牌。

海事處發言人稱，本港並無法例禁止船隻安裝電動船尾機，該處也未有收到有關申請，如接獲申請，將按程序處理。而每艘本地船隻必須領有《擁有權證明書》及《運作牌照》，未領有相關文件及牌照，船主、代理人及船長，可各被判罰款二萬五千及監禁一年。