次世代生活圈：特技鬥誇裝

魔仙子、哈比人大戰阿凡達，電影公司未必拍得到，不過一群港產新世代卻有機會做得到。他們學習化裝新技術，將身體大改造，貼上假皮、塗上顏料，化身成不同角色，一心於節日派對中聚首狂歡，用最誇張的造型，將氣氛推向高峰。

「你想像到嘅人物都可能化到出嚟！」八十後青年Giko本身從事採購，亦是戲迷一名，最愛留意科幻電影中各種人物的古怪造型。最近科幻電影哈比人上映，Giko笑說：「都係研究角色，睇下點可以化得到。」

愛上非現實造型，源自過去的愉快經歷。Giko憶述一次聖誕活動，朋友突然抱恙，要他臨時補上充當聖誕老人派曲奇。穿起紅衣，貼上大鬍子，用氣球扮大肚腩，他發現將幻想角色帶到現實，如同施加法術，即時令派對的氣氛升溫。

今年Giko更學起特技化裝，萬聖節開始與朋友一起整古做怪，由設計造型至尋找合適塗料，有時更要倒模自製假皮，過程考功夫亦考創意。

不過對Giko來說，過程本身就是享受，「化裝嗰時，你睇下我化成點，我又睇下你變咗咩樣，大家都好興奮，玩下笑下，就已經好開心。」一眾嘩鬼享受熱鬧氣氛，更要留住「最美一刻」，Giko說﹕「整番張大合照，咁就Perfect！」