政壇：政商定格：胡炎松搞片場有情意結

原來位於西貢嘅成豐電影製片廠正係啟德扶輪社副社長Anven胡炎松一手創辦，隨住港產片業務萎縮，佢近年就將旗下「電影夢工場」免費提供畀大專生做多媒體實習，幫下一代實現夢想。佢嘅家族本身係做建築生意，而佢喺十八年前無心插柳，由出租一架水車開始，發展到後來嘅片場事業，唔少國際巨星都曾經喺佢片場留下足印。

接觸片場多，令佢遇上唔少趣事。「好多夜景戲，你會發覺現場冇落雨，但地下係濕嘅，其實係刻意用水車噴濕地面，加強神秘氣氛。又例如拍爆破場面時四散嘅雜物，其實係水松木嚟嘅！」依家佢將片場交由二哥Kindwind胡炎光夫婦悉心打理，而佢就專注建築生意。