政壇：政商定格：施穎茵授優游退休之道

唔少人都以「退休」為理財一大目標，滙豐尋日揭曉「快樂退休」百萬賞第一輪活動大獎得主。滙豐香港區零售銀行及財富管理業務主管Diana施穎茵負責頒獎畀幸運兒李女士，呢位幸運兒可以得到一百二十八萬元退休儲備，真係恨死隔籬！Diana就話退休需求因人而異，及早為退休作打算就幾時都需要嘅！

話咁快就有第二輪抽獎，由即日起至三月二十日，接連八星期，只要每星期答啱一條問題，就有一張coupon同一次抽獎機會。

至於點先可增加中獎機會？第一時間向李女士取經，原來佢睇完滙豐網上嘅退休短片先答問題，溫完書先去考試，信心都大啲啦！唔講唔知，原來滙豐網站已upload咗十三條短片，而且仲陸續有嚟添！