每逢香港有政治大事發生，被喻為政壇嘅「搞事四人幫」都會搵場合說三道四，並密謀攪局。最近新一屆政府發表咗施政報告，四人幫成員之一嘅天主教香港教區前主教陳日君尋日出席一個活動時，都被問到有乜意見，點知佢竟然冇如以往咁指指點點，仲自認好多嘢現階段都跟唔上。
陳日君忽然間咁有自知之明，認真值得「搞事四人幫」其餘三位成員肥佬黎、「民主阿婆」前政務司司長陳方安生同「李漢奸」民主黨創黨主席李柱銘學習吓，既然跟唔上，就唔好再出嚟亂噏廿四啦！