農曆年間數百地攤霸街「好似淪陷咗咁！」

【本報訊】「全區都畀人霸晒好犀利，好似淪陷咗咁！」小販趁農曆年期間商戶休息，霸佔地舖門口及行人路擺賣，數百檔售賣熟食、二手衣物及家具的地攤應運而生，衍出衞生、噪音及阻街等問題。深水埗區議員劉佩玉稱，近年每逢春節，都收到許多街坊投訴：「小販成條街都係，連居民出入都無路行」。

憂大火逃生無路

劉又指部分小販擺賣位置更阻塞大廈出入口，擔心會威脅區內居民安全：「咁多小販，如果好似花園街咁發生火警就大件事」。她獲食環署承諾，今年春節會增派人手執法，並設立熱線供市民投訴。

另外，在鴨寮街售賣充電器及火牛的排檔東主謂，由年初一至初三，大批流動小販將會進駐，佔用路面進行擺賣，其檔位前已被人寫上「有人」字樣。他不擔心會被搶生意：「到時我都去咗拜年啦，過咗年就會回復正常」。

「推車仔」的流動小販對「圈地」叫苦連天，感到不公平。由於不清楚「圈地者」背景，只可敢怒不敢言。一名售賣炒栗子的婆婆無奈稱：「梗係有影響啦！新年都唔知可以擺去邊，到時見有位就擺囉，不過實唔夠人爭。」