政壇：政商定格：林黃寧艷卡通指甲氹仔

愛沙尼亞駐港名譽領事Matthew林建康尋日同太太黃寧艷拍拖入馬場，佢哋有份嘅團體馬「精彩日子」跑出，開心到極。Matthew打算農曆新年同十一歲嘅囝囝去英國搵學校。諗住幾時去讀書？佢話其實係三年後，但預早去考察吓，可以及早掌握當地嘅入學資訊喎。原來佢同太太年輕時都係喺英國讀書o架。

以一身豹紋打扮嘅林太，記者發現佢雙手繪上可愛嘅米奇老鼠卡通指甲，靚得嚟原來好實用。佢自爆一雙美甲係為咗四歲嘅囝囝而設，可以吸引佢嘅注意力，又可以趁機教佢認識各種卡通人物，增添親子樂趣喎，估唔到指甲都有咁多用途。