政壇：政商定格：EQ公職視察巧遇舊同學

話說立法會保安事務委員會上星期二去咗視察俗稱「聲波炮」嘅長距離揚聲裝置，其中一位參與示範嘅機動部隊教官，原來係委員會成員建仔EQ葛珮帆嘅舊同學。

EQ話當日一去到示範地點已見到呢位多年冇見嘅舊同學，示範結束後佢立即上前同馬Sir相認並合照留念，但由於大家之後都有嘢做，講咗幾句後就分道揚鑣。根據EQ提供嘅合照，黑黑實實嘅馬Sir好似有啲外國血統，但EQ就代佢澄清，話二十幾年前第一次見佢時，都覺得對方個樣「鬼鬼地」，但其實佢係百分百土生土長嘅香港人。

咦？EQ明明係讀心理學同家庭治療o架，點解會有演藝學院識落嘅舊同學嘅？佢話只係喺演藝讀咗兩年，之後就要輟學賺錢養家，冇畢到業，但啲舊同學都冇因而唔記得佢，有聚會時都有預埋佢嗰份。