City Parade：夜上海婚宴
香醇名酒，滴滴是甘露，與其獨享，不如與眾共嘗。保良局早前喺會展舉行別開生面「名酒慈善晚宴」，董事局成員慷慨捐出多支珍藏拍賣，吸引城中飲家、食家雲集，邊嘗佳餚，邊競投美酒。另一邊廂，去年與法籍情郎喺法國結婚嘅名模周汶錡，日前喺中國會補擺喜酒，大玩懷舊風，逾三百位賓客齊回到1920年代嘅夜上海。
名模于歸：望生蛇B
名模周汶錡（左）希望與老公Julien Lepeu（右）盡快生個「蛇寶寶」。
靚人自拍
左起：名模歐陽妙芝、琦琦及馬詩慧在婚宴自動照相棚前自娛。
胞妹迎賓
影星劉嘉玲（左）盛裝到賀，新娘子細妹周麗淇（右）熱情招呼。
慈善晚宴：好友捧場
酒逢知己千杯少，菁英會前主席洪為民（中）買枱宴客，一眾好友（左起）林琳、李煥明、張雅麗，（右起）余皓媛、林淑怡及趙慧儀齊捧場。
買酒行善
保良局副主席鄭錦鐘夫婦為善不甘後人，以八萬元投得一箱一九九○年Chateau Angelus。
暢談酒經
工廈大王楊耀松長子楊國佳（右）、「手襪女王」林曉盈（中）及華懋集團老臣子梁榮江（左）暢談品酒，傾得投契。
新任政協
博愛副主席李妮（右）榮任海南省政協，身為好友嘅保良局前總理譚浩瀚（左）都戥佢開心。
各有所好
保良局前總理方劉小梅（左）愛飲「粉紅酒」，經營紅酒生意嘅兒子方仁寬（右）就偏愛法國頂級佳釀。