政壇：建仔反擊一舊雲監察論

施政報告宣布額外預留二十億元畀十八區區議會推展「社區重點項目」，立法會民政事務委員會前日開會時，泛民主派多名議員都擔心呢筆撥款會被建制派主導嘅區議會用作「蛇齋餅糉」，白鴿黨立法會議員新丁「一舊雲」黃碧雲更公然要求各區搵啲民間有公信力嘅機構代表監察撥款運作。

一舊雲呢頭講完，建制派已表不滿，加入議會後金句多多嘅建仔蔣麗芸（Ann）更即刻瞄準一舊雲開火，強調區議員係一人一票選出，加上區議會運作公信力非常好，直斥一舊雲嘅猜疑可笑，反建議白鴿黨應就地區工作自我檢討。建仔之後仲喺黨嘅網站專欄發表「請民主黨不要阻止地區發展」為題嘅文章，明示暗示白鴿黨唔好阻住個地球轉。