政壇：幟哥幫細女撲小一學位

小學一年級統一派位尋日交表，九龍塘派位中心人頭湧湧，喺人群中見到飲食集團老闆兼電視節目主持人「幟哥」黃永幟。幟哥話，要幫細女報讀小學，頭幾個志願有瑪利諾修院學校（小學部）同中華基督教會基華小學（九龍塘）。

現場唔少家長睇落都有啲緊張，有啲仲愁眉深鎖添，反觀幟哥就輕輕鬆鬆。佢話，一早已經幫囡囡做好打算，萬一派唔到心儀學校，就選擇去讀國際學校喎，仲話有學校已經一早收咗佢囡囡，唔怪得佢個心咁定啦。