政壇：高永文樂做人肉布景板

食物及衞生局局長高永文係新一屆政府中較具人氣嘅高官，尋日朝早，佢去完電台節目後，就拿拿臨趕去旺角花墟公園主持漁農美食迎春嘉年華開幕禮，一向人緣好嘅高永文繼續保持親民作風，市民要求影相都來者不拒，連有份出席開幕禮嘅家庭醫生關嘉美亦都擺晒甫士同局長合照。

高永文之後滿場飛，使咗成千二蚊買咗好多食品。佢一到場就喺攤檔買咗二十支粟米汁請在場嘅嘉賓飲，既冧嘉賓，又令檔販受惠；儀式完結之後，佢又話受老婆所託，要大舉入貨喎。