SUN奇古怪:Sun潮語:【9 UP】

汽水有7UP,中文叫「七喜」,大家都飲過。甚至有人戲稱呢個牌子為「七起」,即係男性勃起時嘅狀態。因為粵語粗口中,有個音同個「七」字嘅發音相當接近,係解作男性陽具,所以「七起」就係「七」那話兒勃起來嘅意思。當然「9」亦係近似粗口發音嘅字,意思都係男人私處。既然「7」可以「UP」……咁「9UP」都係差唔多啫,最多咪硬啲!咁諗雖然合邏輯,但係潮語嘅特色就係無路捉,所以潮語「9UP」嘅意思同男性勃起並無關係。不過,當你勃起時,也大可以「9UP」一番!

潮語「9UP」即係「鳩噏」嘅英數表示,「鳩」係粵語粗口嘅同音字,即係男性陽具;「噏」即係粵語講嘢嘅意思。大家試諗吓,用陽具講嘢,會講啲乜嘢?肯定唔慌係有意義嘅嘢,所以潮語「9UP」或者「鳩噏」,都係泛指一啲無營養、無意義嘅廢話。前特首貪曾都曾經喺立法會用過「鳩噏」一詞,其實佢本人在位嘅時候,何嘗唔係成日「鳩噏」?「9UP」通常見於網上討論區,因網友們貪快而將「鳩噏」打成「9UP」。相同嘅例子包括「ON9」同「ON79」等等。

有句潮諺語叫「9UP當秘笈」,即係講嘅人唔知自己原來係「9UP」,仲當係秘笈咁不斷派膠。「9UP」除咗係解廢話之外,仲可以解作吹噓或大吹大擂。不過咁,「9UP」其實都已經係香港核心價值之一,香港無論政界、商界、傳媒界,都充斥住大量「9UP」人士,好似呢篇文咁……「9UP」囉!

第一手消息請下載on.cc東方互動iPhone/iPad/Android/Windows Phone Apps

廣告人、網台主持 阿東