政壇：政商定格：田二少雙喜臨門笑唔出

新民黨立法會議員田北辰（田二少）恨做外父恨到流口水，尋日佢宣布好消息，原來係細女植鏘（Lavina）將會喺五月搶閘下嫁從事金融業嘅未婚夫Johnathan，而大女植恩（Lauren）就同搞社企嘅男友Bobby緊隨其後喺六月舉行婚禮。

田二少話，兩個女一齊出嫁可謂雙喜臨門，但佢又有新煩惱，因為兩對新人都想同時喺教堂行禮兼擺酒，所以佢同太太都唔知請人去飲定係去觀禮好，尤其係唔知啲朋友有冇時間去晒四場。仲有大女已經同佢約法三章，話婚後一年內都唔會幫手打理家族生意，因為要同老公享受二人世界，田二少話可能要將啲生意交晒畀個仔Lester打理，可惜個仔表明對時裝冇興趣。