政壇：小組額滿鄧家彪頂硬上

立法會喺大會之下設有多個按政策同職能劃分嘅委員會，今屆會期運作唔夠四個月，多個委員會下已經「僭建」咗八個小組委員會，超出每年規定嘅成立上限，分別係融合教育、醫療保障計劃、長遠房屋策略、長期護理政策、鐵路事宜、噪音及光污染小組委員會等，結果有啲重要嘅民生議題未能討論，首當其衝係全民退休保障及優化強積金制度兩大議題。

福利事務委員會前幾日卻通過工聯會鄧家彪嘅動議，成立退休保障事宜小組委員會，研究全民退休保障及優化強積金制度。不過，主席陳婉嫻都擔心會超過小組委員會八個嘅上限，話要先同秘書處研究吓。鄧家彪就冇有怕，話今屆會期暫時未有政府草案需要成立法案委員會討論，秘書處理應有足夠人手應付第九個或第十個小組委員會喎。