SUN世代：助怕醜仔重拾自信

過去五年，Eva這位屋邨長大的大姐姐做起青年事工，成立蘭桂坊扶輪社，與熱心的專業人士以自己經歷激勵新一代，助隱蔽青年走出家門，邊青走回光明道路。

Eva自○八年開始，與二、三十名同道中人，為年輕人舉辦歷奇訓練、寵物訓練、參觀海洋公園餐廳等，讓他們了解不同工種。她說：「有時年輕人只係欠缺機會，唔知邊度有出路，當佢哋認識社會多咗，就知道路唔係得一、兩條。」

對於不同青年人，她有不同方法，更令怕醜仔重拾自信。Eva回憶：「佢二、三十歲，細個讀書唔好，無人讚過佢，自信心好低。」一次堆沙活動，卻讓他出現改變，「我同佢（怕醜仔）同一組堆沙，當時要有個人向評判介紹作品，我叫佢去試，佢初時唔肯，不過我細細聲教佢講一次，等評判嚟就叫佢對住幾十人講。結果佢好流暢咁介紹，佢自己都唔相信。」一個月後，這名怕醜的青年向她說已找到份推銷課程工作，原來那一次活動令他重拾自信心，Eva說：「嗰刻，真係眼濕濕。」