政壇：政商定格：唐偉章年幼機師夢未圓

香港航空青年團（航青團）早前舉行周年籌款晚宴，各大慈善團體包括圓玄學院、博愛醫院及仁愛堂等齊齊鼎力支持。英俊有型嘅機師，係好多男士小時候嘅夢想，當晚應邀做主禮嘉賓嘅理工大學校長唐偉章笑稱自己都唔例外，只係後來執起教鞭做教授，就淡忘咗呢個夢想喇。

其實理大與波音公司已簽署合作備忘錄，設立全港第一間「航空服務研究中心」，提供世界級嘅飛機維修及航空航天課程。唐偉章仲透露，未來打算將有關課程轉為學位課程。

圓玄學院副主席兼前博愛醫院主席修齊係航青團榮譽中校，雖然唔識駕駛飛機，但旨在為青少年教育出分力。