政壇：搞搞政：建制疊友護降樓價辣招

地產建設商會最近不時出招，務求迫使政府喺買家印花稅上讓步，據聞呢場印花稅之戰嘅火藥味已蔓延至立法會，事關有份審議「辣招」細節嘅立法會《二○一二年印花稅（修訂）條例草案》委員會，前日午夜十二點限期前竟然有多達二十八名議員加入，大致可分為對買家印花稅有保留或反對陣營，以及「挺梁」陣營嘅大對決。

至少有六名工商界議員加入委員會，佢哋主要爭取本地公司可以公司名義買入住宅單位，並非炒賣應豁免繳交買家印花稅，加上部分派民亦對買家印花稅有部分保留，呢個陣營大約有十至十一人。

「挺梁」陣營至少有十人，建仔係大戶有五人，包括副主席蔣麗芸、行政會議成員李慧琼等，連一向少有就稅務問題插手嘅工聯會，陳婉嫻同王國興等四人都喺名單之內，呢股「辣招」力量不但同反對及有保留嘅陣營有力一拚，更擺明向運輸及房屋局局長張炳良大派「定心丸」，放心同地產商戰鬥。