SUN驚奇：翻印筆記侵權可留案底

翻印名師筆記，以為可互惠互利，與學儕一同取得好成績，但原來此舉隨時會誤墮法網。法律界人士強調，翻印筆記出售，即屬侵犯版權的違法行為，奉勸學生勿以身試法，貪少便宜而留案底。

「以前用學習做藉口，就無乜人理，好似你去圖書館，偷偷地影印幾頁咁，不過依家就唔得，好多嘢都有版權！」。法律界人士黃國桐指，翻印補習老師的筆記出售圖利，可構成侵犯版權罪，「呢啲筆記係補習老師嘅搵食工具，一定有版權，學生翻印嚟賣，就算只係賣一份，都已經犯咗侵權，最高刑罰喺罰款三萬元。」

其實，自製或翻印筆記成本較低，只需影印費及光碟費，成本視乎筆記數量，可由「幾毫子」至幾十元不等。但筆記售價卻可高達數十元至數百元，利潤甚高。一間文具店老闆表示，單面影印每張一元，若大量影印，例如過百張，影印費則下調至「一毫子」一張。以一份共四十八本，每本二十頁的補習筆記，影印費成約九十六元，若以四百八十元出售，每份可賺近三百元。