City Parade：睛盈奧秘
亮晶晶的眼神，足以顛倒眾生。女人嘅眼紋，最易出賣真實年齡，所以護眼唔懶得。一個美國護膚品牌推出眼部精華，逾百位愛美之人齊體驗「睛」盈奧秘。慧眼的秘密，就是懂得愛錫自己。寒風凜凜，除咗脆弱眼睛易受損，保暖都好重要。皮草絕對係寒冬搶手貨。二十九位創意洋溢嘅本地時裝界新進，齊出席「香港皮草設計比賽2013」，比試大膽的原創設計。皮草世界，原來有無限可能。
護眼體驗：善心復明
雅詩蘭黛香港區品牌總經理Lisa Chow（右）幫助失明人士重見光明，藝人苟芸慧（左）都讚佢善心。
幸福滿瀉
名模陳嘉容大讚印度籍男友有風度又體貼，幸福盡在不言中。
恨生寶寶
榮升霍家新抱嘅郭晶晶正努力「造人」，渴望快啲生個寶寶。
得天獨厚
名模陳祉妤（左起）趁新年開心勁食，肥咗六磅，難得伊人睇落好纖瘦，姚書軼（中）同名媛榮雪梅（右）都羨慕不已。
嗜好放下
MOISELLE老闆娘徐巧嬌忙於幫老公打理時裝生意，畫畫嗜好都要暫時擺埋一邊。
眼睛說話
名媛鄭詩韻（中）與社交名人周國豐太太周黃泳霖（右）、富豪曾文豪千金曾昭怡（左），都有一雙會說話嘅動人眼睛。
皮草設計比併：未來博士
著名時裝設計師張天愛忙於攻讀博士學位，暫時放下失婚的不快。
改定囡名
懷胎七個月嘅名媛羅愛欣，已為囡囡改定法文名。
喜懷孖B
恒生新抱兼Zensation Beaute行政總裁何倍倩獲知懷孖胎，心情興奮。
