政壇：教局副局長都係無殼蝸牛

本港樓價飆升，「無殼蝸牛」隨處可見，連進身政府嘅新問責官員都不能幸免，好似教育局副局長楊潤雄，利益申報就並冇持有任何物業，太太係家庭主婦，無政治聯繫，只得賽馬會會員一項。

教育局政治助理施俊輝（Jeff）就報稱居住喺沙田嘅自住單位，同親屬各持有單位嘅百分之五十業權。據聞呢位親屬就係Jeff嘅媽媽，可能因為未結婚，所以佢仍然同媽媽一齊住。此外，Jeff嘅申報又披露已經辭去新民黨執委等職務，依家只係新民黨成員，但佢就申報咗合共九個團體嘅成員身份，部分同佢本身「福建幫」身份有關，好似福建社團聯會會員、晉江同鄉會會員等；另一部分就係集中喺教育範疇嘅聯繫，睇得出Jeff喺社區之間好活躍。