男士「入得廚房」真係羨煞旁人，「靈芝大王」陳宇齡雖然係商界忙人，但原來得閒都鍾意落吓廚，太太就爆，佢見到屋企個雪櫃有乜嘢材料，就會發揮創意，就地取材，好似前排陳宇齡就整過一味魚子意大利粉，獲太太盛讚有大師級水準。
不過，呢個煮得男人嘅入廚理論卻有啲奇怪，佢話煮餸easy job喇，道理就好似煲中藥咁，有啲材料要「先煎」、「後下」，有啲就要用猛火、文火去煮。點都好，煮得出好餸就得喇。