政壇：葉澍堃兒媳南美潛水觀鯊

前高官葉澍堃長子葉瀚林（Hiram）上月初迎娶拍拖十年嘅女友朱敏盈（Connie）後，隨即到南美洲度蜜月三星期，Hiram話，今次遊遍南美及赤道國土，佢哋先去咗阿根廷首都布宜諾斯艾利斯逗留數天，之後前往厄瓜多爾位於赤道嘅首都基多古城（Ecuador-Quito），呢度海拔高逾二千八百米，被列入世界文化遺產。最後一站，佢哋去到加拉伯戈斯群島（達爾文島）潛水。計埋今次旅程，佢哋終於去勻晒世界七大洲，下次旅行已諗定去南極睇企鵝喎。

Hiram最享受喺全無手機訊號下，靜心欣賞大自然嘅奇妙生態。至於達爾文島潛水，就更可近距離見到鯊魚擦身而過，好彩呢種鯊魚係素食品種啫。