SUN世代：潔具女強人樂趣浴室尋

分叉路上，與其躊躇不前，倒不如放膽一試，才能找到新方向。劉思蔚（Denise)是「潔具大王」恒威集團主席及董事總經理劉旺的掌上明珠，她一早打算承傳家業，雖然工作中一度迷途，失去方向，但遇上分叉路，她敢於嘗試，終找到自己的定位，引導企業及員工，探索發展新路向，讓集團走得更前。

幼年的Denise已清楚自己人生方向。父母創立潔具王國，除代理世界名牌浴室廚房設備外，亦是室內裝修承建商和建築物料供應商，雖然父母從未開口要求子女繼承生意，但她自覺要為家業負責。「其他小朋友放假會去公園，但爹哋媽咪工作太忙，放假時都會帶埋我去地盤視察，見佢哋做嘢好辛苦，所以細細個已決定長大後幫佢哋手。」在英國大學畢業後，她先到當地投資銀行任職，吸收社會經驗，兩年後就回港正式執掌家業。

「啱啱返公司，先做爹哋嘅私人助理，之後輾轉做過其他部門，但做咗兩、三年都搵唔到自己嘅方向，感到好迷惘。」一個偶然機會，讓她找到自己的出路。「一位負責零售嘅董事退休，我向爹哋自薦接手佢嘅工作，發覺自己嘅性格原來好啱做零售管理。」

建材業以男性主導，但零售服務有別其他部門，需要細心體貼，以女性佔優。「喺（零售）度可以做到我想做嘅，公司初時無推廣部，我就成立推廣部，搵到客人需要，先可以推銷適合產品。」銷售工作更滿足到她對美學的興趣，「細個好鍾意畫畫，喺零售部我可以用我嘅審美觀，為客人挑選靚嘅產品。」

敢於嘗試，令Denise找到方向，但公司的零售店舖卻未有定位，有礙發展。「公司賣潔具，雖然好多種產品都有，但冇定位就好難吸引有潛力嘅顧客。」與家人商討後，她決定主力發展浴室與廚房器具及裝潢物料，主打中高及高檔路線。「浴室同廚房喺外國係休息或放鬆嘅地方，但香港人較少留意浴室同廚房嘅裝修，所以發展空間大，又可以將新概念帶畀港人。」

雖找到定位，但部分員工卻未能跟隨步伐。「佢哋賣開較平嘅潔具，要佢哋sell貴嘅產品未必適應到。」她明白親身體驗才能帶來改變，於是她讓員工先嘗試新產品，然後才向客人推銷。「新引入嘅按摩浴池，都會畀員工去試，佢哋先會明白產品嘅好處，了解點去推銷。」當員工參加外國展銷會，Denise亦會安排他們入住當地的五星級酒店，親自體驗浴室裝潢及設備，希望他們能與自己一樣，在體驗過程中，找到明確方向。

Denise's Profile

現職：恒威集團營運總裁、colourliving執行董事

學歷：英國倫敦大學理學士（經濟）、倫敦城市大學工商管理碩士

興趣：烹飪、旅遊