政壇：政商定格：何倍倩佗龍鳳B興奮

懷孕四個多月嘅「恒生新抱」何倍倩前日檢查後證實懷龍鳳胎，已有一子嘅佢大表興奮「我好開心，因為好難得，如果係孖仔嘅話，我怕三個仔會打交，龍鳳胎好特別，一男一女令我身體賀爾蒙比較平衡，生理上無乜大變化。」因為孖胎嘅關係，佢會更留意健康及飲食：「生第一胎時身體好弱，今次會注重營養吸收，食多啲蛋白質同鈣嘅食物，我以前好唔鍾意飲奶，但為咗BB會飲奶、食芝士同乳酪。」

向來熱衷工作嘅佢更被老公勒令停工同沒收電腦，佢笑言：「因為工作係我夢想，佢惟有支持我，但叫我要休息多啲，以及同朋友出去食飯買嘢。」提到為孖胎改名，佢話因為自己比較迷信，要等小朋友出世後夾八字先改中文名，英文名方面，由於佢喜歡柯德莉夏萍（Audrey Hepburn），所以囡囡會用Audrey，囝囝則會用rence結尾，話跟番大仔Lawrence喎。