政壇:搞搞政:怪醫又失蹤企硬唔解畫

立法會醫學界代表「怪醫」梁家騮近期好鍾意玩失蹤,無論係早前對特首梁振英嘅不信任動議,抑或前日嘅彈劾動議,佢都冇投票。尋日佢終於現身,但就話唔會為自己缺席解釋,總之冇到就冇到喎。如果佢係直選議員,唔知夠唔夠膽唔投票呢?

怪醫話自己冇投票,但唔代表自己冇做嘢。佢強調如果特首CY梁振英下星期嘅施政報告冇任何醫療政策,尤其係檢討醫管局嘅資源錯配問題,佢一定冇面畀,會喺致謝議案投反對票。

其實前日彈劾動議中共有五人缺席投票,除怪醫外,富貴黨榮譽主席田北俊同黨友張宇人都唔見人,雖然佢哋都有請假,但究竟去咗邊就冇人知喇,只係知佢哋分別飛咗去外地。其餘兩人就係劉皇發同建仔鍾樹根。發叔大病初愈,佢黨友林健鋒「批准」佢老人家休息多排,唔使咁急返立會住,而樹根因身兼哈爾濱政協,所以日前飛咗去當地開會。

第一手消息請下載on.cc東方互動iPhone/iPad/Android/Windows Phone Apps

設計圖片及對白