政壇：政商定格：陳復禮靚相許曉暉折服

攝影大師陳復禮嘅作品喺國際獲獎無數，最近有本佢嘅特刊出版，仲搞咗個晚宴，唔少城中名人都有出席，民政事務局副局長許曉暉都有去，佢仲話，少女時代學攝影時已經拜讀陳復禮所創辦嘅攝影刊物，並為大師嘅佳作而折服。

許曉暉話，大師嘅作品充滿國畫風格，不但主次分明，且空間與主體嘅比例恰到好處，令佢領悟到藝術手法猶如處事方式，能夠拿捏到事情重點，分清緩急輕重自然成功有望。

亦有嘉賓讚賞大師嘅作品充滿國畫韻味，別致嘅神州景色特別吸引人。