政壇：政商定格：90後藝術家鴨仔情意結

「九十後」新進藝術家李楚洳（Samantha），最近同香港第一代「玩具大王」林亮搞Crossover，將三張維港相片加工，喺水上畫咗幾隻林亮公司嘅招牌玩具鴨仔，新舊交融夠晒創意。

只得二十二歲嘅李楚洳已經開畫展，佢細細個已醉心油畫同攝影，現時係港大藝術系三年級生，佢話今次好開心同林亮合作，因為佢嘅奮鬥故事好值得年輕人學習。林亮亦好興奮，希望Samantha第時啲畫可以再加入鴨仔，傳承佢嘅拚搏精神。講開又講，佢兩個其實都有個共通點，因為Samantha爸爸係廠商會副會長、全國政協委員李秀恒；林亮嘅公子則係行政會議成員兼立法會議員林健鋒，林亮仲話個仔愛吹牛，做議員啱晒佢喎。