on.cc 東方互動主頁

SUN世代：星光夢醒勇闖商途

公仔箱內的世界，五光十色，讓人嚮往不已，王賢誌亦曾是其中一人。但義無反顧的走了十三年，卻猛然發現，在這條銀色旅途上，有志者，不一定事竟成，一切還講際遇、講關係，「細個就話講興趣，但到三十幾歲人，唔通仲淨係攬住『夢想』兩個字？」四年前，他毅然棄影從商，開發中成藥保健產品，決意憑實力，走出自己的路。

曾經，每天扭開電視機，總會見到王賢誌，擔任不同綜藝節目的主持。銷聲匿迹了一段日子，他又再次現身幕前，拿着保健產品，大賣廣告。不同的是，身份早已由「著名主持」，變成公司「董事總經理」。也許多年的電視生涯，早已把他作為電子大王王華湘長孫的身份，從觀眾腦海中通通洗刷掉。

「細個嗰陣無乜娛樂，最鍾意睇電視，睇得多就開始多幻想，係度諗：如果第時有機會，可以演埋一份就好喇！」從小就是電視迷，加上充滿表演欲，王賢誌亦早早以成為藝人作目標，於加拿大留學期間，更義務當起華語電台DJ，「電台只係會畀番車馬費，但我做得比讀書更落力，甚至貼錢，叫香港電台寄新歌畀我哋播！」

兼任DJ，令他初嘗開咪滋味，畢業回港後，他毫不猶豫加入電台，更自薦投身三色電視台，過往受盡萬千寵愛的太子爺，甘願自貶身價，當個只能出鏡三數秒、說一兩句對白的茄喱啡。「當時人工得四千幾，當然唔夠使！但我相信肯捱就有機會，終有一日會捱出頭。」

不介意從低做起，不放棄任何機會，王賢誌漸漸成為三色台的當家主持，更有段日子天天「爆show」，他卻選擇於高峰期離去，「做主持嘅最大目標，係希望做到港姐、台慶呢啲大show，但原來唔係你做得好、肯等，就會有得做，仲要講關係。我開始諗，係咪做多十幾年，我都只係繼續做依家做緊嘅嘢？」適逢父親發展中成藥生意，需人打理，富家子尋夢的故事，似乎終要落幕。

從演藝圈走進截然不同的商業世界，難以適應似是無法避免，「頭嗰一、兩年都係邊做邊學，醫藥方面嘅嘢又無乜認識；初初見客，啲客又會質疑：「咦，你唔係做電視o架咩，走嚟做生意，係咪玩o架？」雖然困難重重，他卻從未想過放棄，「唔識就請教其他人，啲客唔信我，我就用時間同實力說服佢哋。」

在商場上表現愈見出色，那邊廂的演藝事業，亦欲斷難斷。王賢誌與三色台的合約完結後，其他電視台及坊間其他主持工作，仍然不間斷找上門，他亦樂於享受揸咪的時光，「以前想做大show，成日同人比較，壓力大好多，依家不在其位，可以單純享受做主持嘅時間。」原來肯轉變，總不會太遲。