SUN搞作：打橫嚟講：盡量利用香港

如果，大家沒有「腦退化症」，相信，一定仲記得香港人點仆心仆命救助苦難的中國同胞，唔好講到世界大戰咁遠，香港保衞南來的文化人北上，亦唔使講四九年後，香港人如何托米抬油返大陸救濟祖國；更毋須講九十年代初，華東經常水災，香港人怎樣避談政治，先捐錢扶危；到千禧年後，中央政府透過香港金融經驗，逐步與世界經濟體系接軌，讓內地加速富起來，以上種種，都是香港（香港人）的功勞呀！也是老毛老鄧所言：「盡量利用香港」的遺訓及遠見。所以，每凡聽聞那些弱智低能的芝麻綠豆官對香港說三道四，甚麼「唔供水畀你香港呀！」乜叉「無我哋啲大陸個人遊去香港，你哋就實死呀！」此類白癡言論，我就火都嚟埋，×佢哋祖宗的了！

呢啲低能兒小官小吏啲後人，不是早早帶埋大量財帛，入籍咗美國加拿大，就係嫁嚟香港，如果佢哋咁叉愛國，又移民做乜？

我都唔知中港關係，點解會畀呢啲社會管理上層講到咁差劣，意識輾轉下達後，果真又變成事實。嗱！睇吓上水班水貨客如何窮兇極惡就知，佢哋根本就唔當香港法律係嘢，目無法紀，而香港警方高層則廢到無朋友，前線啲警員惟有白白捱打。

唉！水貨問題，搞咗大半年，好似癌細胞咁，由上水擴散到東鐵沿線，政府束手無策，只靠小市民去光復？

香港政府連小事都做不來，實事又搞唔掂，點怪得人去炳佢吖？又點叫人去相信佢有乜鴻圖大計吖？仲信佢？傻o架咩？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府