政壇：搞搞政：新社聯強大網絡響招牌

八十年代成立嘅新界社團聯會一直支持政府依法施政，話佢係左派團體都不為過。早前元旦遊行，新界總商會捲入疑似派錢請人出席元旦遊行風波，連帶新社聯都畀人指控埋一份，搞到新社聯理事長陳勇頻頻出嚟接受訪問澄清「撲火」，講明事件同佢哋完全無關，但更多嘅知名度，增加來自新社聯一直默默耕耘累積嘅實力。

有新社聯中人形容，新社聯近年積極做好「升呢」鋪墊工作，其中重要一環係打好同政府關係；另一招數就係大小議題「通殺」，有新社聯中人總結番佢哋曾表態嘅議題，基本上極少同民情民意脫節，當然呢個得力於新社聯有強大嘅地區網絡，加上舊年底開始每周一示威「保人氣」，呢個對新社聯打響塊招牌都有幫助，再加上陳勇最近仲當選埋全國人大，睇嚟佢哋終於爬出井口嘞！

舊年嘅立會選舉，新界東、西嘅戰情激烈，同票路嘅包括建仔、工聯會、鄉事派、公民力量等，參選人唔少其實都身兼新社聯成員，如果新社聯「獨立成團」，就更加會亂到不可收拾。