City Parade：喜悅迎新
嚴寒伴隨2013而來，城中名人無懼北風凜凜，一於喺君悅開Party，歡呼倒數聲響遍灣仔。踏正十二時，人人爭住許下新年願望，祈求甚麼唔重要，最緊要係開心。同一晚上，官仔骨骨嘅名醫都放下聽筒，雲集會展及金鐘港麗酒店，打破早睡的規條，呢晚奉旨夜歸，以勁歌熱舞迎來好開始。
名人迎新年P：王后駕到
一身王后Look嘅名媛邱李茂琪（左），與囡囡（右）手牽手度除夕，夠晒溫馨。
親子倒數
嚴寒無阻賭王四太梁安琪（中）嘅倒數興致，千金何超欣（右）與公子何猷亨（左）當然樂於陪媽咪。
拍拖過年
滙豐亞太區行政總裁王冬勝（左）出名錫老婆，除夕夜當然與太太（右）拍拖迎新年。
甜蜜夫婦
自由黨主席周梁淑怡（右）有老公周明權（左）相伴迎新年，甜在心頭。
名醫晚宴：開懷舉杯
香港牙醫學會理事廖偉明醫生（左起）、醫專會主席江明熙醫生和江太Amy，舉杯慶祝2013年。
開心相逢
盛裝打扮嘅香港會計師公會副會長陳美寶（左），與製衣廠老闆趙汝勤（右）喜相逢。
忙碌院長
港大深圳醫院二月將開辦急症室服務，身為院長嘅鄧惠瓊醫生有排忙嘞。