政壇：搞搞政：悉先機掃工廈李秀恒變酒店大亨

政府活化工廈政策一出，好多工廠大廈都大變身，鍾情投資工廈嘅中華出入口商會副會長李秀恒更搖身一變成酒店大亨。講起李秀恒，原來佢有個搞笑嘅「村姑變港姐」法則，八年前大手掃入工廈嘅李秀恒話，豪宅或寫字樓本質已在，價格唔會大變，但工廈就可以大幅增值，咁咪村姑變港姐囉！

立法會議員林大輝出版嘅通訊早前搵咗李秀恒做專訪欄目「名人對談」主角。今時今日，係人都知工廈有價有市，但喺七、八年前，工廈售價幾百蚊一呎都冇人吼，所以李秀恒八年前大手投資工廈就顯得好有前瞻性。