年前上映嘅葉問電影掀起一陣詠春熱潮，中華廠商聯合會副會長徐晉暉（Marvin）都因此重燃幼時對武術嘅興趣，加上因緣際會遇上恩師趙師傅，佢不但同弟弟徐晉曜齊齊學詠春，仲認真到特意喺屋企安裝咗個詠春木人樁，方便鍛煉。
平時西裝骨骨嘅Marvin原來十分好動，足球、網球、壁球、滑雪都鍾意。講到學拳嘅心得，佢笑言除咗要有恒心之外，最重要係得到太太同家人嘅支持，如果唔係，又點可能畀佢擺咁大個木人樁喺屋企呢？
徐晉暉（前）跟趙師傅（後）醉心鑽研詠春，更於家中勤練木人樁。
