新政府首份施政報告快將公布,政制及內地事務局政治助理陳岳鵬(Ronald)同教育局政治助理施俊輝(Jeff)尋日雙雙落區,出席東九龍居民委員會活動,同約二十名中學生就此交換意見。同學嘅提問都聚焦教育議題,如「三三四」新學制、升讀大學學額數目等,冇棘手議題,而Ronald同Jeff又做過新民黨主席葉劉淑儀「愛徒」,受過訓練,總算冇喺一班學生面前失威。
陳岳鵬(右)同施俊輝(左)孖咇落區出席組織活動。