SUN世代：父親白手興家 視作榜樣

「每次行玩具店，見到自己公司嘅出品，都會覺得爸爸真係好叻。」生於傳統潮州大家庭的Michael，從小就視父親為偶像，「當年佢白手興家，好勤力做嘢，先有今時今日嘅成就，依家佢已經七十六歲，但仲係好精靈，每日都返公司，係我嘅好榜樣。」在他的心目中，父親是個好老闆，同時也是個好爸爸。

Michael表示，家人的家庭觀念很濃厚，凝聚力強，甚少爭執，感情非常要好，「我哋每個禮拜都有家庭日，要搵地方食餐飯都好頭痕，因為次次都要坐兩、三圍。」原來，他的兄姊亦秉承了家族開枝散葉的傳統，「我爸爸都生咗六個，我哋呢一輩都生唔少，我自己就四年抱三，爸爸依家有成十一個孫咁多。」三代同堂，組成一個溫馨大家庭。