政壇：政商定格：永嘉CFO換新Look當宣傳

做開運動服飾嘅永嘉，舊年開始涉足埋高級時裝，原來唔止公司轉型，連啲管理層嘅style都要變埋。話說有日撞到永嘉CFO Wilson張智，平時官仔骨骨嘅佢，當日一身西裝褸襯牛仔褲，直頭令人眼前一亮！佢話自從公司入股D-mop後，D-mop旗下嘅品牌變成咗大家嘅dress code，即使去見banker都係咁着，冇咁死板之外，仲幫公司做埋流動廣告，一舉兩得！

其實永嘉八年前已開始做零售業務，所以Wilson對管理D-mop好有信心，仲已經有開拓中港市場嘅發展大計添！不過佢話本身D-mop個品牌係矜貴啲，唔想開到周街都係，反而會主力開多啲自己品牌嘅店舖，好似Blues Heroes同Loveis，價錢相對大眾化啲。至於內地方面，佢話繼續會開Y-3，因為開一間賺一間咁話。